بالهنا والقافية

استهلال
على مدى 18 أسبوعا أكرمتموني بسعة صدروكم ومتابعتكم وإيملاتكم الرائعة ومشاعركم الطيبة ومجاملاتكم الرقيقة... على مدى 18 أسبوعا كنتم أروع متابعين وموجهين وجمهور... زملائي الشعراء لولا تميزكم لما وجدتم أسماءكم في ثنايا هذه الزواية ولو لم تكن أبياتكم لافتة للنظر بطريقة أو بأخرى لما كنتم نجوم هذه الزواية... شكرا لكل من تحملني وسامح الله من لم يتحملني ولا تخافون تراني مسامحكم "وش يبي ذا".. أعزائي القراء هذه لم تكن رسالة اعتزال فأنا لست يوسف الثنيان ولا صالح خليفة.. الموضوع وما فيه أني (بأخذ إجازه كمان أسبوع باروح أزور اخوي نواف في نبيال وأرجع لكم) .. حتى لقاء قريب كونوا بخير وكل عام وأنتم بخير مقدما.

وش يقرب لسهم المواشي؟
لو اشوفك بدى سهم الغرام بصعودي
ينتعش سوق قلبي ويمتلي كل جوف
هادي المنصوري

لاحول ولا قوة إلا بالله العلي العظيم .. ضحية جديدة من ضحايا الأسهم ... ايييييييييه الله يرحمه كان طيب ... حرام عليك يا هادي ما تفركناشي يا راقل احنا ما سدقنا على الله الناس نسيت همومها من الاسهم .. أنا الي ودي أعرفه بصراحه وش يقرب سهم الغرام هذا لسهم المواشي ؟ لا تكون أناني يا هادي خلي الناس تكسب معاك .. طيب سؤال أخير ياهادي "يمتلي كل جوف" وش تقصد في مسألة كل جوف هذه ؟ هل تعني أن لك أكثر من جوف واحد ؟ طيب إيش معنى أنت ؟ ترى كل واحد فينا عنده جوف واحد يعني أنت طالبه طلبيه خاصه ومركبه إضافي عشان الزمن . .صدق الي قال الجوف الابيض ينفعك في البطن الاسود

عندي لك خياط ميه ميه
قطعة حزن في جيـب بالـي ومشقـوق
ومضة فرح في عيـون نـاسٍ  غلابـه
فهد المساعد
يؤ على اللخبطة يافهد... اسمع يا فهد بما اني صديقك وامون عليك لازم تسمعها مني ولا تسمعها من غريب وعلى طاري الغريب انت ما تلاحظ انك من بعد المدينه والغريب وانت وضعك متزعزع حبتين... مو كثير لا يضيق صدرك بس حبتين والوضع ممكن تداركه.. يعني من جدا قاعد تقول الكلام هذا والا تمزح؟ ايش الي بالك له ثوب ؟ لا وجيبه مشقوق بعد ؟ وش الي شق جيب بالك ؟ يلعب مباراه مع عيال الحاره وصارت هوشه وانشق الجيب والا ايش بالضبط؟ عموما كان بالك مفصل ثوبه في بلان فما عليه خوف ان شاء الله يغيرون الجيب لا تخاف.. اما غلابه هذه شي داااااااااااااااااااانا غلبااااااااااااااااااااااااااان اناااااااا

ما تاكلشي لا سمك ولا بيض
تدري وانا ادري من درى مادرابك
واللي درابي مادرابك وأنا ادري
فيصل العتيبي

وش مهرجان الدرايه اللي مسويه ووش العالم الي تدري وما تدري وتبي تدري وما درت ولما انت حضرتك تحط كل هالدرايه في بيت واحد وش بقى للساحه ؟ خلصت حرف الدال يا رجل خلي شي لغيرك... لاحول ولا قوة الا بالله العلي العظيم.. وده من ايه ده يامرسي.. يعني سحليه عدت من على رقبتك وانته نايم والا اااومت الصبح لقيت نفسك كده ؟! ما تكلشي لا سمك ولا بيض... والله مو منك يا فيصل ابدا مو منك من الي سواه فيك حامد زيد وعلى المسعودي يوم حطوك مدير تحرير الصدمه كانت اقوى من الواقع وان شاء الله ان شاء الله بتصير احسن بس كثر من القرايه وانا اخوك

حته وحده؟!

ولكن أنا في بعض الأحيان تلقائي
أحاول احس احساس أبو جعفر المنصور
يوسف العصيمي
حته وحده يا يوسف!! أبو جعفر المنصور حته وحده.. طيب قسطها شوي عشان تنبلع يعني وش رايك نخليها 36 قسطا مريحا من غير فوائد ولا تحتاج إلى كفيل وش قلت؟ لأني من جد اخاف من كثر ما تحاول تحس احساس أبو جعفر المنصور تجيك حساسيه في وقت ما يحك فيه جلدك الا ظفرك .. يوسف اشهد بالله انك شاعر رائع ولا يشق لك غبار وفيك مزايا كثيره جدا من اهمها انك تلبس نظاره شمسيه في الليل بس هذا ما يمنع وانا اخوك انك تحاول تنتبه من التلقائية اللي تسبب حساسية وترى وقت ابو جعفر المنصور الصيدليات تسكر مبكر يعني حوسة نلاقي لك دواء مناسب.