بالهناء والقافية

استهلال

قام أحد أعضاء لجنة تحكيم شاعر المليون من غير ذكر أسماء "بدر صفوق" بطرد أحد المتسابقين من القاعة، والله مساكين هالمتسابقين العام تركي المريخي يقول لواحد انت لازم نربطك عشان ما تلحقنا من مدينة لمدينة والسنة هذي أبو الشباب جاي فاتل عضلاته ويشوت في الناس من القاعة ويطرد فيهم، الخطوة القادمة أكيد بنشوف ضرب واستعدوا يا شعراء السنة القادمة يقولون بتكون اللجنة عبارة عن اثنين ملاكمة وواحد كارتيه.. أذكر نفسي قبل أن أذكر الجميع أن الأخلاق أهم من الشعر وقبل أي شيء ثاني والدين المعاملة وكل إنسان يعكس أخلاقه من خلال تعامله مع الآخرين

مفخررررررررررررررررة

وصار الشعر النسائي طابع ٍ حلو ٍ جميل
ومجتمعنا صار زاخر يفتخر بالشاعرات
برديس خليفة
طابع حلو جميل والا طابع بريدي؟ طيب يمكن طابع برديسي؟ أما بالنسبة لمجتمعنا يفتخر بالشاعرات فهذا كلام صحيح مليون بالمية ولا يشق له غبار إطلاقا والدليل أن كل شاعر يسألونه وش رأيك بالأقلام النسائية في الساحة الشعبية يقول أي أقلام وأي برايات هو فيه شاعرات من أساسه ناهيك عن الشعراء الي يرفضون يظهرون في أمسيات مع شاعرات ويقولون لا نتشرف مش أنا إلي قلت يابنات هم .. لا تعصبين علي بصراحه ومن غير لف ودوران أشك وأطرز إن إلي خربت عليكم شاعرة الورعان وراعية المكياج والاخت كد إيش المسافيه من هان لعمان كلميهم هم لا تكلميني انا.

شعر وإلا دقن يابشا
سلمت لحيتك لاحمد وحلّقها
الشغل مجان والموس مجاني
ضيدان بن قضعان
والله انك صادق يا ضيدان وأنا بعد سامع ان أخونا أحمد حلاق لك عليه ومستوى حلاقته دون المطلوب لأن المحل ترى بالأساس ماهو له لاخوه علي بس علي الله يهديه اضطر يروح لتركيا يبي يتزوج واستلمه أحمد وجاب العيد في الزباين ولحاهم وشواربهم، بس لا تخاف ترى يضبط السوالف وخصوصا وخصوصا وخصوصا سوالف آخر الليل .. ضيدان وش فيك الله يصلحك لازم تجيب العيد؟ طيب لمتى يا عريس.. وعلى "طاري يا عريس" ما شاء الله عليك كل ما سألت عنك قالوا في شهر العسل الظاهر السنة عندك انت رمضان شهر واحد و11 شهر عسل ما شاء الله تبارك الله.

وش عنده سيبويه؟
لك عاشق ٍ من وين ما ترسل له الجراح استلم
لكن ولا فكرت ترسل له عليه موبايله
محمد معرفي

استلم؟! استلم أول ليل ولا آخر ليل وإلا متى مستلم الأخ؟ طيب على أي بوابة مستلم شمالية والا جنوبية؟ أخاف موبايله بس ... يقول لك مدت الألف من هنا لهناك موبااااااااااااااااااااااااايله وبعدين "ولا فكرت ترسل له عليه" ... ترسل له عليه !!!!!!!!!!! شلون ترسل له وعليه في الوقت نفسه يا سيابويه ؟ عربي ذا والا اندونسي ؟ اختار يا بو الشباب يا ترسل له يا ترسل عليه وش فيك مبتلش بعمرك ؟ أنت درست قواعد عربية بالمدرسة؟ أقول كأنك دارس بمدارس خاصة ارجع وطالبهم بفلوسك لانهم ضحكوا عليك ودروسك شي جديد مضروب وضحكوا عليك سيباويه.

غليونك داشر

واكن تبغ والوجع ويكح غليوني
من مابي الي يضيق بكثر يامابي
محمد ابن ساقان

بو حميد سلامات أنت اللي تدخن وغليونك إلي يكح ليه الدعوة بالنيابة ولا إيش؟ والله يا غليونك داشر بعد يعني ما كح إلا فيه شي يستدعي للكحة ولذلك اعرض غليونك الداشر على دكتور عله وعساه يعطيكم حل ... ماااابي!! يا مابك من جد مابي إلي مابي كنك واحد ابوه يقول له روح المدرسة وهو يقول ما أبي يقول له روح أقول لك وهو يردد مابي مابي .. بو حيمد يا حبيبي تراك بديت صح أرجوك واصل صح لأني أنا وغليونك الداشر والأخ مابك كلنا متفائلين فيك خير بس خلك على العذوبة افضل بكثير من الدشارة.