شنطة دموع
سكون.. وريح خرسى والمكان يفـوح بالفخـار
تجمعت وتعبت ونمت في حضـن الدرايش..طـل
على خدك ياريم افطر سحاب وبعض مني طـار
صباحٍ كانت أحلام الحياه الفانيـه فـي حـل !!
مسافر..في يدي شنطة دمـوع ودفتريـن اعـذار
خذي واحد..وواحد لو رجعـت أقطعـه وابتـل !
اذا وقفتـك هذي(لاتروح)اكنـسـل المـشـوار
وإذا هي(رح) تعالي جربي وشلون يقفـي خـل!
أحبك من..تمـادي لايهمـك لونكـون صغـار
إلى..ياريم شوفي للشقا صرفـه وشوفـي حـل..
كأنا حزمتيـنٍ مـن حطـب والعـام الاول نـار
وإلى البارح وحنا من رمـاد الذكريات..انطـل !
وأنا وانتـي وجـوهٍ مسرحتهـا لعنـة التكـرار
تحركنا ثقافة حب هشه..مجتمـع فـي الظـل !!
علشانك صدقت وصرت أرتب فالرفوف أسرار
رغم إيماني بفوضى العلاقه بيـن خب..وقـل !!
وعشاني لاتحسبيـن القصايـد همسـة الأحرار
كثر ماهي صراخ مكبلٍ مـن هاجسـه محتـل !
ياقطرة طفل مع قطرة شعر وشوي صرتوا امطار
متى هذا الورق من طيشك الفاتـن لعقلـي مـل!
وإذا صدرك سما..والغيم معطف..والهـلال زرار
متى كان الهلال يـزرر الدنيـا ويبـرد غـل ؟!
أنا أذكر خافقـي سجادتـك وضلوعـي الأذكار
وفي نفس الصدر فيروز غنت(أوعك انت اتفل)!!
أجل من حدني يم الخضـوع وقـال لـي اختـار
وأنا من يومها آدور بديل..يكون غيـر الـذل !!!