صباح العيد
يسعـد صباحك ياعـبـيـر الــنواوير
يا احلـى صباح ٍ محتويني بذا الكـون
فرحة صباح العيد عندك تجي غير
مابين ضحك وهمس ومـناظر عيـون
تشرق على اوجانك ورود وازاهير
وتعكس شذا الخدين مع احمر اللـون
يومي سمعت الـيوم تغريـدة الطــير
دريت عــنـه انــه يحـاكيــك بشجــون
يعزف من الحانه عــذوبــه وتعبير
ما اشره عليه انـه غـدا فـيك مـفـتون
والا النسيم ان مـر مثـل المـــسايير
يرجع وفــي خـاطره يلمسـك بالهـون
حتى الدروب اللي لها حـظ بالسير
صارت تغيض افـروعها كنـها تمـون
كل من تصادف قال صبحك بالخير
ويبقى حلاك بصبـحهم ليــن يمــسون
صاير صباحك فيه ورد ونــواوير
ما الوم صبحك لـو تعطر بـه الكــون