زود الغلا
"رب شعر لم تلده أمك"، كنا نقول سحقا للوزن وسحقا للقافية، عندما يتعلق الأمر بروح الشعر ولذته الحقيقية، إلا أنها تختلط علينا في أحايين كهذا الحين، فنرى البناء مهما كالروح والمعنى، "منال" أعطتنا هذه الجميلة لنتباهى فيها أمام قرائنا..
أتشاغل عنك وأثري أتشاغل فيك.. زود
ما قدرت اعيش لحظة فرح بغيابك.. غلا
اتخيل بسمتك يوم ارسمك واهديك.. زود
عود ٍ ازرق يختلط والشوق بثيابك.. غلا
ولو قسيت.. الصدق والله ماني مخليك.. زود
باتحمل قسوتك وغضاك وعتابك.. غلا
آه لو تدري بشوق ٍ ياخذ ويعطيك.. زود
ياخذ ويعطي من شفاتك لعنابك.. غلا
دور في الدنيا على اللي ميت ٍ بيديك.. زود
راح ما تلقى كثر قلبي وانا احيابك.. غلا