ساعة قلق

نص عالق بلمحة، يمر بدقة، وشيء من وجع، نص جميل ..لذيذ، يشبه ضحكة، وانتكاسة أمل، معجون بسؤال، متناقض..ولكنه جميل جدا جدا جدا

ساعة قلق
حاسس بعمره الغالي بالغصب اتسرق
آمن بأن ف ضلمته
ف دقيقه ممكن يتخنق
لمح الشعاع ..فجأة اندفع
للنور وناسى فـ نشوته
أن الفراش لو يوم وصل
نور الحقيقه.. حايتحرق
* * *
لما انحصر بيا الطوفان
ووصلت بالناس البريئة الطيبة
لجوى الأمان
حكم الزمان
ما اشوفش فوق ظهر السفينة
إلا الفيران
* * *
كسرت سكوت ساعة الوداع
بتقوله خايفة هناك..تموت
مسكينة مش فاهمة انها
كات واقفة بتودع تابوت
* * *
انا الدمعة اللي تتمنى فـ لحظة تموت
وتخرج من عيون قاسية
فـ ليه تسألنى ع الأيام
برغم مرورها بالعافية
و لو راح تنسى مره أنا مين
أنا خيبة أمل ماشية