تحققون كل أحلامنا

مقطع من قصيدة جمال بوناشي التي ألقاها ابنه حمد أمام قادة دول مجلس التعاون الخليجي عند إطلاق مشروع الربط الكهربائي البارحة الأولى في الكويت:

كل الشكر أي والله كل الشكر يا قادتنا وآبائنا لأنكم تسعون وتذللون كل الصعايب علشان تحققون كل أحلامنا

وبشاير الخير هلت علينا اليوم بربط الكهرباء وإن شاء الله إن شاء الله كل سنة يتحقق لنا حلم من أحلامنا

الله يا فرحة أهل الخليج اليوم ما تنوصف بهذا المشروع الكبير اللي راح ينفتح بعد شوي جدامنا

قولوا معاي آمين عسى ربي يحفظكم كلكم وين ما رحتوا وييتوا يا حكامنا
وهذه رفعة أعقال لكم والله ثم والله تستاهلون أكثر يا حكامنا

نحبكم كلكم أي والله نحبكم كلكم وحبكم محكوم عليه من زمان مؤبد وسجنه هذا مكانه

والحين.. لا تنسون وعدكم ولا تنسون حلم ولدكم حمد جمال بوناشي اللي اهو أنا

وأنا أقول يبه الملك عبد الله قرة عينك وقرة عينكم يا أهل السعودية بعودة اللي له بقلوبنا كلنا مكانه

الحمد لله على سلامة أبوي الأمير سلطان وعلى رجعتك يا الغالي اشكر ربي سبحانه

والله يا يبه لو تنهدي الروح جان من زمان أهديتك روحي عطية ما هي أمانة

والله يا يبه ولو ينزاد العمر. جان من عمري عطيتك بس اخلي يوم واحد أشوفك فيه وأقولك احبك أنا

وأخر كلامي أصلي وأسلم على الحبيب النبي شفيع الأمة يوم القيامة
بعدد كل مسلم صلى ودعا ربه وقام رمضان وصامه

وسلامتكم تسمحوا لي أتشرف أنا وكل خليجي أحب رؤوسكم.