عندي يقين

في كل نص جديد لأحمد حمدان نرى ونلمس جديداً يقدمه عن سابقٍ قرأناه له، أحمد حمدان شاعرٌ جميل، شعره ممتلئ بالإحساس الذي لا ينقطع بين بيتٍ وآخر.

روحي مع اللي بالخفايا تحبيه
واخذي معاه من الهوى ما بدالك
دام انكشف سرك وبانت مواريه
خلك على خط الخيانة لحالك
أمر انكشف ما عاد يمديك تخفيه
بانت رسوم السالفة من حوالك
عندي يقين أنك تحبه وتغليه
وأكبر دليل ليا رحبك خيالك
للماضي اللي جيت بشويش تحييه
ودك تعود أيام عهد مضالك
لو هو بكيفك كان واقعك تلغيه
لكن ظروف الوقت شلت وصالك
هذي أمانيك القديمة وأمانيه
مير الزمن في حينها ما حفالك
خل الحقايق خافي النفس تبديه
وانشر اثر حبه لعادق سوالك
دامك وفيٍّ والوفا وما تخليه
كب الجميع لخاطره وأن طرالك
وأنا بعد ما عاد لي شي أرجيه
ماله لزوم تعيش عيني قبالك
والقلب ما خارت رواسي عواليه
ولا هزمني شوف العيون لجمالك
خذ عهد من شخص الوفاء من مباديه
ما بوح للعذال سبة خمالك