"بكفي حروب" .. امرأة فلسطينية تعاني نقص المستلزمات بعد نزوحها إلى خيمة

هؤلاء النازحون يفقدون الحياة الطبيعية بعد أن نزحوا من بيوتهم والآن هم يعيشون في الخيام.

سجود نجم نزحت وأطفالها الخمسة من شمال غزة إلى خان يونس منذ أسبوعين تقريبا وتعاني فقدان الأساسيات تقول "صرلي أنا هون بالخيمة 9 أيام، يعني أنا حتى بدي حمم أولادي مش عارفة، بروح بدي عبي مي بلقيش مي، أو إذا لقيت مي يا دوب نص زجاجة بحممهم برا الخيمة بالعراء، بمسك زجاجة المي بحاول أغسلهم وأيديهم وجسمهم من الرمل، بس يعني أنا مش قادرة حتى أنضف أولادي مش لاقية مي، مش لاقية مكان أنضفهم فيه، مش لاقي أواعي نضيفة، مش لاقية أرض نظيفة أقعدهم عليها، أنا خايفة على ولادي، ولادي بيسخنوا بالليل، ولادي بيسعلوا بالليل، إبني الكبير مريض أزمة ربو".

وتضيف سجود التي كانت من بين أربع عائلات أخرى تسكن ذات الخيمة، في ظل ضعف الإمدادات والمواد الأساسية "أنا كل يوم بقعد بعيط لأمي على نفسيتي ونفسية ولادي، بقلها يا أمي خلص إحنا بدنا نروح نرجع نقعد فوق بيوتنا، بدنا نعيش فوق بيوتنا ولو مقصوفة، بدنا نعمرها ونحييها من أول جديد، بدنا نقعد في بيوتنا ونعمرها، خلص بيكفي بكفي حروب، نفسيتنا تعبت مضلش فينا مضلش فينا".